կարևոր
1798 դիտում, 3 շաբաթ առաջ - 2024-06-18 11:12
Քաղաքական Աշխարհ

Արևմուտքն է ստիպել Հայաստանին սառեցնել մասնակցությունը ՀԱՊԿ-ին․ ՌԴ ԱԳՆ

Արևմուտքն է ստիպել Հայաստանին սառեցնել մասնակցությունը ՀԱՊԿ-ին․ ՌԴ ԱԳՆ

Արևմուտքն է ստիպել Հայաստանին սառեցնել մասնակցությունը ՀԱՊԿ-ին։ Այս մասին հայտարարել է ՌԴ փոխարտգործնախարար Միխայիլ Գալուզինը։

«Երևանի լիարժեք մասնակցությունը ՀԱՊԿ-ի աշխատանքներին համապատասխանում է հայ ժողովրդի իղձերին և ծառայում է Հարավային Կովկասում խաղաղության և կայունության պահպանման գործին»,- ասել է նա «Կոմսոմոլսկայա պրավդա»-ին տված հարցազրույցում, գրում է РИА новости-ին։

Գալուզինի խոսքով, ինչ էլ խոստանան արևմտականները, որոնք «ստիպել են հայկական իշխանություններին «սառեցնել» մասնակցությունը կազմակերպությանը, ՀԱՊԿ-ի ՝ որպես Հայաստանի անվտանգության ապահովման մեխանիզմի, գործուն այլընտրանքներ այսօր չկան»:

Գալուզինը նշել է, որ «ՀԱՊԿ-ի ներուժը զարգացնելու աշխատանքները համակարգված ընթանում են՝ հետևում թողնելով Երևանին»։ «Մշակվում են ճգնաժամերին արձագանքելու նոր ալգորիթմներ, ամրապնդվում են կազմակերպության հավաքական ուժերի հնարավորությունները՝ հաշվի առնելով ռուսական մարտական ​​փորձը, և ընդունվում են լուրջ ծրագրային փաստաթղթեր Կենտրոնական Ասիայում մեր դաշնակիցների սահմանների անվտանգությունն ապահովելու համար», - ընդգծել է նա։