կարևոր
3808 դիտում, 2 ամիս առաջ - 2024-05-03 21:27
Աշխարհ

Զախարովան ԱՄՆ-ին, Մեծ Բրիտանիային և ԵՄ-ին սպառնացել է «ջախջախիչ հարվածով»

Զախարովան ԱՄՆ-ին, Մեծ Բրիտանիային և ԵՄ-ին սպառնացել է «ջախջախիչ հարվածով»

Մոսկվան զգուշացնում է Վաշինգտոնին, Լոնդոնին և Բրյուսելին, որ Ղրիմի և Ղրիմի կամրջի դեմ ցանկացած ագրեսիվ գործողություն դատապարտված է ձախողման։ Դրա մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:

Նա ասել է, որ Կիևը բացահայտորեն պատրաստվում է հարձակման Ղրիմի կամրջի վրա՝ Արևմուտքի «ուղղակի և անպատկառ աջակցությամբ»:

Ըստ Российская газета-ի՝ դիվանագետն ընդգծել է, որ Արևմուտքի ցանկացած ագրեսիվ գործողություն պատասխան ջախջախիչ հարված է ստանալու։

ՄԱԿ-ում Ուկրաինայի մշտական ​​ներկայացուցիչ Սերգեյ Կիսլիցան ավելի վաղ սոցցանցում կամուրջների լուսանկարներով գրառում է հրապարակել։ «Կերչի կամուրջներ» մակագրության տակ դատարկ նկար էր։ Այսպիսով, Կիսլիցան ակնարկել է, որ Ղրիմի կամուրջը կարող է անհետանալ: