Պետք է միասին քննարկենք ու հասկանանք որն է լավագույն տարբերակը․ նախարարը՝ կոնսերվատորիայի մասին

ԳՄՍ նախարար Ժաննա Անդրեասյանը կառավարության այսօրվա նիստից հետո լրագրողների հետ զրույցում անդրադարձավ Կոնսերվատորիայի շուրջ ստեղծված իրավիճակին:

«Ուզում եմ տեղեկացնել, որ առաջարկվել էր բուհերին մինչև այս տարվա փետրվարի 15-ը տալ իրենց առաջարկները:Հիմա ձևավորել ենք աշխատանքային խմբեր ամեն ուղղություններով, մանրամասն քննարկելու ենք բոլոր կողմ և դեմ տեսակետները, հիմնավորումները և փաստարկները։ Նաև՝ արվեստների ուղղությամբ երեկ կայացել է առաջին քննարկումը, կոնսերվատորիայի ներկայացուցիչները ևս ներգրավված են այնտեղ։ Սա շատ բարդ ու բազմաշերտ գործընթաց է, պարզ է, որ շատ բան պետք է հաշվի առնվի, իհարկե, սիրով բոլոր եղած կարիքները կլսենք։ Կարծում եմ՝ միասին շատ խոսելու կարիք ունենք․ մենք՝ իրենց ավելի լավ հասկանալու, իրենք՝ ծրագիրը ավելի լավ պատկերացնելու առումով»,- ասաց Ժաննա Անդրեասյանը:

Մանրամասն՝ տեսանյութում։