կարևոր
2044 դիտում, 1 ամիս առաջ - 2024-02-23 16:11
Քաղաքական

Պետդումայի պատգամավորը մեկնաբանել է ՀԱՊԿ-ում Հայաստանի անդամակցության սառեցումը

Պետդումայի պատգամավորը մեկնաբանել է ՀԱՊԿ-ում Հայաստանի անդամակցության սառեցումը

Նիկոլ Փաշինյանը, դադարեցնելով Հայաստանի մասնակցությունը ՀԱՊԿ-ին, փորձում է իր բոլոր արտաքին քաղաքական սխալների մեղքը բարդել Ռուսաստանի վրա, РИА Новости-ին ասել է Պետդումայի միջազգային հարաբերությունների հանձնաժողովի նախագահի առաջին տեղակալ Ալեքսեյ Չեպան։

«Ես համաձայն չեմ Փաշինյանի կարծիքի հետ, և իր արտաքին քաղաքական բոլոր սխալներում նա փորձում է գտնել մեղավորներին և այդ ամենը բարդել մեր վրա՝ Ռուսաստանի վրա»,- գործակալությանը ասել է Չեպան։

Հիշեցնենք՝ Նիկոլ Փաշինյանը France24-ին տված հարցազրույցում ասել է, որ Հայաստանի վերաբերյալ հավաքական անվտանգության պայմանագիրը չի կատարվել, և Երևանը սառեցրել է իր մասնակցությունը ՀԱՊԿ-ին։

Ավելի ուշ ՀԱՊԿ-ը մեկնաբանել էր Փաշինյանի՝ անդամակցության կասեցման մասին հայտարարությունը։

ՌԴ նախագահի մամուլի քարտուղար Դմիտրի Պեսկովը հայտնել էր, որ Հայաստանը պաշտոնապես չի ծանուցել ՀԱՊԿ-ին անդամակցության կասեցման մասին և նշել, որ Պուտինը Փաշինյանի հետ դեռ չի քննարկել ՀԱՊԿ-ի վերաբերյալ հայտարարությունը։