Ինչի՞ վրա է ծախսվելու հերթական դրամաշնորհը․ «Փաստ»

«Փաստ» օրաթերթը գրում է․

Մեր ունեցած տեղեկություններով, մոտ մեկ ամիս առաջ նոր մեծ դրամաշնորհային փաթեթ է «ժամանել» Հայաստան։ Խոսքը շուրջ 780 մլն դոլարի մասին է։ Մեր աղբյուրների փոխանցմամբ, գումարի՝ Հայաստան փոխանցման հիմնական խողովակը ՀՀ-ում գործունեություն իրականացնող արևմտյան ֆինանսավորում ունեցող կամ, այսպես կոչված, «սորոսական» ՀԿ-ներն են։

Թերթին հայտնի է դարձել, որ գումարը գլխավորապես ներդրվելու է կրթական ոլորտում՝ հիմնականում ուսուցիչների վերապատրաստման ուղղությամբ (այսպես կոչված՝ ատեստավորման)։ Մենք ամիսներ առաջ տեղեկացրել էինք, որ ԿԳՄՍ-ում հանդիպում է տեղի ունեցել «սորոսականների» հետ, որի ժամանակ էլ քննարկվել է հիշյալ թեման։

Հատկանշական է, որ այս առիթով արդեն իսկ օրինական հող է նախապատրաստվում՝ համապատասխան կարգավորումներ իրականացնելով «Կրթության մասին» ՀՀ օրենքում։ Ի դեպ՝ գումարի մի որոշակի հատված ներդրվելու է նաև ԵՊՀ-ում նոր միջազգային ծրագրերի ներդման և միջազգային դպրոցների հետ նախագծեր իրականացնելու տեսքով։

Մանրամասները՝ «Փաստ» օրաթերթի այսօրվա համարում