Մեկնարկել է Համազգայինի 9-րդ պատգամավորական ժողովը. 15 երկրներից ժամանել են պատվիրակություններ

Մայիսի 25-ին Երեւանում մեկնարկեց Համազգային Հայ Կրթական և Մշակութային միության 9-րդ պատգամավորական ժողովը։

Ժողովի մեկնարկը տրվեց «Եռաբլուր» զինվորական պանթեոն այցելությամբ, որտեղ հարգանքի տուրք մատուցվեց Արցախյան 44-օրյա պատերազմում անմահացած հերոսների հիշատակին։ Եռաբլուրում ժողովականներին ուղղված խոսքով հանդես եկավ Համազգայինի Կենտրոնական վարչության ատենապետ Մկրտիչ Մկրտչյանը։

Համազգայինի 9-րդ պատգամավորական ժողովին մասնակցում են 64 պատգամավորներ և հրավիրյալներ աշխարհի 15 երկրներից։

Ժողովը կընթանա մայիսի 25-27-ը, որի ընթացքում կամփոփվեն Համազգայինի տարբեր կառույցների կողմից վերջին չորս տարում կատարված աշխատանքները, կճշտվեն հետագա անելիքները, կընտրվի նոր Կենտրոնական վարչություն։