Եթե Ռոման Բաղդասարյանը չհերքի իմ մասին գրած զրպարտությունները` դատական հայց կներկայացնեմ. զոհվածի հարազատ

Արդեն մի քանի օր է` պրոիշխանական լրատվամիջոցներն ու ֆեյք էջերը տարածում են ռուսաստանաբնակ, իշխանամետ բլոգեր Ռոման Բաղդասարյանի գրառումը, թե Դատախազության շենքի առջեւ մի մարդ կա, որը ձեռքին պահում է զոհվածի նկար, մինչդեռ Կարենի ծնողները նստած են գյուղում ու չեն պատկերացնում, որ իրենց որդու լուսանկարով մեկը վազվզում է Երեւանում ու դիմումներ գրում Նիկոլ Փաշինյանի դեմ:

Այսօր քաղաքացին, որին ուղղված էր Ռոման Բաղդասարյանի գրառումը, հարցազրույց տվեց Դատախազության շենքի առջև:

«Ես Մարկոս Հարությունյանն եմ, Կարեն Կարապետյանի տատի եղբայրը: Զոհված Մարկոսի նկարով երկու օր առաջ եղել եմ Դատախազության առջեւ՝ նրա ծնողների գիտությամբ: Բլոգեր Ռոման Բաղդասարյանը գրել է, թե ես ծախու, վարձու մարդ եմ, փողով եկել եմ: Գրել է, թե Կարենի ընտանիքի հետ մոտիկ է, նրանց օգնություն է տվել: Կարենի ծնողները վրդովված էին նրա այդ հայտարարություններից: Նա ո՞վ է, որ օգնություն ցույց տա: Ես մարդկանց միջոցով կարողացա այնպես անել, որ հեռացնի նյութը, հեռացրել է, եթե չհերքի իմ մասին գրած զրպարտությունները` դատական հայց կներկայացնեմ»,- ասաց նա:

Մանրամասն՝ տեսանյութում: