ՏԵՍԱՆՅՈՒԹ. Գնդակահարե՛ք մեզ, գնդակահարե՛ք բոլորիս ու վերջացրեք. զոհվածի հարազատ

Մեկ տարի հետո ոստիկաններով նորից լռեցնե՞լ մեզ, մինչեւ ե՞րբ: Գնդակահարե՛ք մեզ, գնդակահարե՛ք բոլորիս ու վերջացրեք. Yerkir.am-ի հաղորդմամբ՝ ասաց  զոհված զինծառայողի հարազատը:

Նշենք, որ այսօր անհետ կորած, գերեվարված եւ զոհված զինծառայողների ծնողները, նախ՝ կառավարության շենքի առջեւ բողոքի ակցիայով, ապա՝ Հանրապետության հրապարակի գլխավոր ճանապարհներից մեկը՝ Տիգրան Մեծի պողոտան  փակելով, պահանջում էին հանդիպում Նիկոլ Փաշինյանի հետ:

«Այս իշխանության վերադասը կոմպետենտ անձ չէ, չի կարողանում ղեկավարել, թույլ է, տկար է: Դա բոլորը հասկանում են նրա արարքներից ու սուտ խոսելուց: Ժամանակին լավատեսություն եմ ունեցել, օգնել եմ նրան, բայց մեկ տարի որոշում են մի բան, որը աբսուրդի է հասնում: Պարտությունից հետո պիտի ասեր՝ սխալվել եմ, կներեք, ու հեռանար, բայց հերթական մանիպուլյացիաներով ստում են: Զզվելի է, երբ տեսնում ես այս ամենը: Եթե մտածում են, որ իրենք քաղաքականությամբ հայաթափելու են մեր երկիրը, չի հաջողվելու»,-ասաց զոհվածի հարազատը:

Մանրամասները՝ տեսանյութում