Թուրքիան դիտարկում է Սիրիայի հետ երկխոսությունը վերականգնելու հնարավորությունը. Hürriyet

Թուրքիայի իշխանությունները դիտարկում են Սիրիայի կառավարության հետ երկխոսություն սկսելու հնարավորությունը։ Այս մասին երեկ գրել է Hürriyet թերթը՝ վկայակոչելով Թուրքիայի կառավարության աղբյուրները։ Աղբյուրի հաղորդմամբ՝ Ուկրաինայի և Ռուսաստանի միջև հակամարտությունը մտածելու առիթ է տվել՝ տեղի ունեցողը գնահատելով սիրիական խնդրի լուծման համար հարմար պահ։

Պարբերականի համաձայն՝ քննարկումները կներառեն երեք կարևոր թեմա՝ սիրիական պետության միասնական կառուցվածքի պաշտպանություն, Սիրիայի տարածքային ամբողջականության պահպանում և փախստականների անվտանգ վերադարձի ապահովում. վերջինս Թուրքիայի ներքաղաքական կյանքի ամենակարևոր թեմաներից է։