Hurriyet-ի արձագանքը` Քոչարյանի հայտարարությանը

Հայաստանի ԱԳ փոխնախարար Շավարշ Քոչարյանը Armenpress-ի հետ հարցազրույցում ասել է. «Եթե Թուրքիան ցանկանում է հարաբերությունները բարելավել Հայաստանի հետ, նախ` թող ճանաչի Հայոց ցեղասպանությունն ու սահմանը բացի»:

Ինչպես հայտնում է Hurriyet.com-ը, դեկտեմբերի 12-ին Դավութօղլուի` Հայաստան կատարելիք այցի մասին Քոչարյանն ասել է. «Սադրիչ հայտարարություններ անելու փոխարեն Երևանում այցելեք Ցեղասպանության զոհերի հուշահամալիր եւ մեկ րոպե լռությամբ հարգեք անմեղ զոհերի հիշատակը։ Եթե Թուրքիան ցանկանում է հարևան երկրների հետ իր հարաբերությունները արագ բարելավել, նախ պետք է ճանաչի Օսմանյան կայսրության կողմից իրագործված Ցեղասպանությունն ու բացել Հայաստան-Թուրքիա սահմանը»:

Ըստ լրատվամիջոցների` Դավութօղլուն պատրաստվում է «Ղարաբաղի առաջարկով» հանդես գալ` սահմանների բացման համար պայման է ներկայացնելու Հայաստանին` «Ադրբեջանի 7 օկուպացված շրջաններից» առնվազն 2-ից հեռանալու դեպքում հայ-թուրքական սահմանը կբացվի: Նա հավաստիացրել է, որ այս պայմանի ընդունումը կնպաստի Հայաստանի առևտրին: