Էրդողանը վստահեցրել է Թրամփին, որ Թուրքիան կպայքարի ԻՊ-ի դեմ. Hurriyet

ԱՄՆ նախագահ Դոնալդ Թրամփը Սիրիայից ամերիկյան զորքերը դուրս բերելու որոշումը կայացնելուց առաջ հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ, որը խոստացել է, որ Թուրքիան Սիրիայում կպայքարի «Իսլամական պետություն» ահաբեկչական խմբավորման դեմ: Այդ մասին, ըստ РИА Новости-ի, գրում է թուրքական Hurriyet-ը` բարձրաստիճան թուրք պաշտոնյային հղումով:

Նշվում է, որ Թրամփը երկար ժամանակ է` չէր կարողանում համոզել Պենտագոնին զորքերը դուրս բերելու հարցում:

Ըստ թերթի աղբյուրի` Թրամփը դեկտեմբերի 14-ին կայացած զրույցի ժամանակ հարցրել է Էրդողանին` կկարողանա՞, արդյոք, Թուրքիան մաքրել Եփրատի արևելքը ԻՊ-ից, եթե ԱՄՆ-ը հեռանա Սիրիայից: Էրդողանը պատսախանել է, որ իր երկիրը կկարողանա պայքարել ԻՊ-ի դեմ, ինչպես արեց 2016-ին`«Եփրատի վահան» գործողության ժամանակ: