«Վասպուրականի Արծիվը հայ գրականության անդաստանում»․ Համազգայինի լույս ընծայած գիրքը՝ նվիրված Խրիմյան Հայրիկի ծննդյան 200-ամյակին

Համազգայինի երևանյան գրասենյակի նախաձեռնությամբ լույս է տեսել Հայ եկեղեցու 125-րդ կաթողիկոս, հոգևոր-մշակութային գործիչ, մտավորական ու գրող Խրիմյան Հայրիկի մասին «Վասպուրականի Արծիվը հայ գրականության անդաստանում» գիրքը, որի հեղինակը բանասիրական գիտությունների դոկտոր Վարդան Դևրիկյանն է։

Խրիմյան Հայրիկի ծննդյան 200-ամյակը լավագույն առիթն է անդրադառնալու Հայոց պատմության Մեծերից Խրիմյան Հայրիկի ազգային ու եկեղեցական գործունեությանը։ Գրքի հեղինակը ընդհանրացնելով ահա այսպես է բնութագրում նրա ապրած կյանքը․ «Խրիմյանը Վանի թաղամասերրից մեկում ծնվեց որպես Մկրտիչ, ապրեց որպես Վասպուրականի Արծիվ և Հայ ժողովրդի համար դարձավ Հայոց Հայրիկ»։

Խրիմյան Հայրիկի պատգամ-խրատներն այսօր էլ նույնքան ճշմարտացի են, որքան հարյուրավոր տարիներ առաջ․ «Ներքին անհամերաշխությունը ավելի շատ է Հայրենիքը կորստյան մատնում, քան եկած թշնամին»։ 

Ռուզան Առաքելյան