«Ներքին անհամերաշխությունն ավելի շատ է Հայրենիքը կորստյան մատնում, քան եկած թշնամին». ապրիլի 4-ը Խրիմյան Հայրիկի ծննդյան օրն է

Այսօր Խրիմյան Հայրիկի ծննդյան օրն է: Նա ծնվել է 1820 թվականին Վանում: Եղել է հայ եկեղեցու 125-րդ կաթողիկոս, հասարակական-քաղաքական և հոգևոր-մշակութային գործիչ, մտավորական ու գրող:

Կաթողիկոսը մեծ ջանքեր է ներդրել կոտորածներից մազապուրծ գաղթականության ֆիզիկական գոյությունն ապահովելու և վերստին երկիր վերադարձնելու համար։ 

Մկրտիչ Ա Վանեցին ի պաշտոնե ձեռնամուխ է եղել նաև հայ հոգևորականության դաստիարակության, կրթված հոգևորականների նոր սերունդ ստեղծելու խնդրին։ Նրա օրոք Էջմիածնում կառուցվել են նոր հյուրանոց, Սինոդի նոր շենք, թանգարան, նոր մատենադարան։ Նորացել և հարդարվել են Սուրբ Հռիփսիմե և Սուրբ Գայանե եկեղեցիները։

Վանեցին նաև գրել է բազմաթիվ աշխատություններ, որոնց մեջ առանձնակի տեղ են գրավում հոգևոր-կրոնական ստեղծագործությունները:

«Ներքին անհամերաշխությունն ավելի շատ է Հայրենիքը կորստյան մատնում, քան եկած թշնամին»,- ասել է Խրիմյան Հայրիկը: