Լույս է տեսել ՀՊՄՀ պրոֆեսոր Խաչատուր Ստեփանյանի նոր գիրքը

Անթիլիասում լույս է տեսել պատմական գիտությունների դոկտոր, պրոֆեսոր Խաչատուր Ստեփանյանի «Հայաստանում խորհրդային իշխանության հաստատման հիմնահարցը սփյուռքահայ հասարակական-քաղաքական մտքի գնահատմամբ (1920-1930-ական թթ․)» ծավալուն աշխատությունը։

Հեղինակը ներկայացնում է Հայաստանում խորհրդային իշխանության հաստատման վերաբերյալ 1920-1930-ական թթ. սփյուռքահայ հասարակական-քաղաքական մտքի մոտեցումները: Արժեւորվում են ինչպես Հայաստանի ժողովրդի անվտանգությունը կարեւորելու տեսակետները, այնպես էլ անկախության գաղափարը մշտապես արթուն պահելու մղումները: Աշխատության մեջ ներկայացված՝ բազմամիլիոնանոց տարաշերտ սփյուռքահայության հասարակական-քաղաքական մտքի գնահատականները Հայաստանի քաղաքական կողմնորոշման, անկախության արժեւորման, երկրում ժողովրդավարության ամրապնդման եւ այլ առումներով կիրառելի են նաեւ այսօր:

Գիրքը նախատեսված է պատմաբանների, հասարակագետների, քաղաքագետների, սփյուռքագետների, լրագրողների համար: