Ուկրաինան 2023 թվականից հնարավոր է չեղյալ հայտարարի պարտադիր զինվորական զորակոչը

Ուկրաինան 2023 թվականից հնարավոր է չեղյալ հայտարարի պարտադիր զինվորական զորակոչը․ ասել է «Ժողովրդի ծառա» նախագահական կուսակցության ղեկավար Ալեքսանդր Կորնիենկոն:

««Ազգային դիմադրության մասին» օրենքի նախագծի ընդունմամբ՝ դա հնարավոր է արդեն 2023 թվականից»,- նշել է նա:

Կորնիենկոն տեղեկացրել է նաև ռազմական գրանցման և զորակոչման գրասենյակների առաջիկա բարեփոխումների մասին: Նման վերափոխումները, ըստ նրա, կապված են ՆԱՏՕ-ին Ուկրաինայի անդամակցության ծրագրի հետ: Նա նաև հավաստիացրել է, որ Ուկրաինան կշարունակի իրականացնել ռազմական բարեփոխումներ Հյուսիսատլանտյան դաշինքին անդամակցության ճանապարհին:

Հուլիսի 16-ին Գերագույն ռադան ընդունեց օրենք, որը, մասնավորապես, 11 հազարով ավելացրել է Ուկրաինայի զինված ուժերի թիվը: Փաստաթղթի համաձայն՝ այդ թիվը չի գերազանցի 261 հազարը, որից 215 հազարը զինծառայողներն են: Նպատակը բանակի առանձին ճյուղի` Տարածքային պաշտպանության ուժերի, ինչպես նաև դիմադրության համակարգի հետագա զարգացումն  է: