Թուրքիան ստանձնելու է Քաբուլի օդանավակայանի ղեկավարումը, եթե մեր պայմանները բավարարվեն. Էրդողան

Թուրքիայի նախագահ Ռեջեփ Թայիփ Էրդողանը տոնական նամազ է կատարել Լեֆկոշայի Հալա Սուլթան մզկիթում: Նամազից հետո պետության ղեկավարը պատասխանել է լրագրողների հարցերին:

Էրդողանն անդրադարձել է Ադրբեջանի կողմից Հյուսիսային Կիպրոսի թուրքական հանրապետության ճանաչման հնարավորությանը: «Այս հարցում կասկած չկա: Մենք անընդհատ քննարկում ենք այս թեման իմ եղբոր՝ Իլհամ Ալիևի հետ»,- ասել է նա:

«Մենք այլևս չենք ցանկանում հյուսիսի և հարավի բաժանում: Մենք ասում ենք «կիպրոսցի թուրքեր», սա մեր մոտեցումն է, և այն կշարունակվի»,- հավելել է Թուրքիայի ղեկավարը:

Էրդողանը հայտարարել է նաև «Թալիբան»-ի հետ Աֆղանստանում տիրող իրավիճակը քննարկելու՝ իր մտադրության մասին: «Եթե մեր պայմանները բավարարվեն, Թուրքիան կստանձնի Քաբուլի օդանավակայանի կառավարումը»,- շեշտել է պետության ղեկավարը: