Թուրքիան 130 մլն դոլարի դիմաց համաձայնել է ստանձնել Քաբուլի օդանավակայանի անվտանգությունը

Թուրքիայի կառավարությունը ՆԱՏՕ-ի հետ 130 միլիոն դոլար արժողությամբ գործարքի շրջանակներում համաձայնել է ստանձնել Քաբուլի միջազգային օդանավակայանի անվտանգությունը․ հայտնում է The National News-ը։ 

Նշվում է, որ միջազգային հանրությունը երաշխիքներ կունենա, և դա լավագույն լուծումն է, քանի որ թալիբները երբեք չեն հարձակվել թուրքերի վրա:

Միաժամանակ մոտենում է սեպտեմբերի 11-ը՝ Աֆղանստանից ԱՄՆ-ի ու ՆԱՏՕ-ի զորքերի դուրս բերման վերջնաժամկետը: Պարզ է, որ այդ ժամանակ ՆԱՏՕ-Թուրքիա գործարքը վերջնական տեսքի բերված կլինի:

Կարելի է ասել, որ Թուրքիան աստիճանաբար հասնում է իր նպատակին՝ տարածաշրջանում դառնալով ԱՄՆ/ՆԱՏՕ-ի «հատուկ ներկայացուցիչը»: Նույնիսկ եթե այս փուլում Աֆղանստանը Թուրքիայի հիմնական հետաքրքրությունը չէ, դա, իհարկե, ռազմավարական նշանակություն ունի: