Թուրքական ԱԹՍ-ները վտանգ են ներկայացնում մեր անվտանգության համար. հունական ԶԼՄ

Թուրքական մարտական անօդաչու թռչող սարքերը խնդիր են ամբողջ աշխարհի զինված ուժերի համար և վտանգ են ներկայացնում Հունաստանի անվտանգության համար. ասվում է հունական The National Herald թերթի հոդվածում:

«Անօդաչուները ներկայացնում են պատերազմների նոր դարաշրջանի սկիզբը: Այն տարիները, որոնց ընթացքում Թուրքիան մշակել է ցածր գնով զինված անօդաչու թռչող սարքեր, ի լրումն ռազմի դաշտում ունեցած հաջողությունների, սրում են այդ համակարգերի հետ կապված գլոբալ ռազմական խնդիրները»,- նշում է թերթը:

Հոդվածի համաձայն՝ Հունաստանը վերջին տարիներին բազմազան է դարձնում իր պաշտպանական դաշինքները, սակայն դեռ հստակ պատասխան չի ստացել թուրքական անօդաչու թռչող սարքերի մասին հարցին: Այնուամենայնիվ, Թուրքիան դեռ պատրաստակամություն չի ցուցաբերել օգտագործել իր զինված անօդաչու թռչող սարքերը Հունաստանի դեմ: