Ռուսաստանը չպետք է նեղանա այն փաստից, որ մենք Ուկրաինային Bayraktar ենք վաճառում. Չավուշօղլու

Աթենքում կայացած մամուլի ասուլիսի ժամանակ Թուրքիայի ԱԳՆ ղեկավար Մևլյութ Չավուշօղլուին հարցրել են Ռուսաստանի՝ Ուկրաինային զենք վաճառելու վերաբերյալ արձագանքի մասին: Թուրքիայի արտգործնախարարը պատասխանել է, որ Անկարան չի հարցնում օտարերկրյա պետություններին, ներառյալ՝ Ռուսաստանին, թե ինչու են նրանք զենք վաճառում:

«Ուկրաինայի հետ պայմանագրերը կնքվել են շատ տարիներ առաջ: Մենք լավ ապրանք ենք պատրաստում: Ռուսաստանը չպետք է դրանից նեղանա: Սա բիզնես է: Սիրիան ռուսական հրթիռով խփել է մեր ինքնաթիռը: Ռուսաստանը հրթիռներ է մատակարարում Սիրիային և շատ երկրների: Մենք երբեք բողոք չենք հայտնել այս կապակցությամբ»,- ասել է նա: