Փոխարժեքներ 22 11 2024
USD	⚊	$ 389.45
EUR	⚊	€ 409.74
RUB	⚊	₽ 3.86
GBP	⚊	£ 491.95
GEL	⚊	₾ 142.08

կարևոր

Արդարացվեց Սրբազան շարժման օրերին հետապնդման ենթարկված ևս երկու մասնակից. փաստաբան
2 ժամ առաջ Իրավական
ՀԲԸՄ֊ի «Կարիերայի նոր հնարավորություններ և հեռանկարներ» խորագրով տոնավաճառը
3 ժամ առաջ Հասարակություն
Մեդվեդևը հրապարակել է «Օրեշնիկ» հրթիռային համակարգ հարվածի տեսանյութը
4 ժամ առաջ Տարածաշրջան
ՔՊ կուսակցությանը նվիրատվություն կատարած ընկերությունը տուգանվում է նվիրած գումարի չափով․ «Ժողովուրդ»
4 ժամ առաջ Հասարակություն
Աղազարյանը վատ դրության մեջ է դրել ՔՊ-ին. համարձակ հերոս է խաղում․ «Ժողովուրդ»
4 ժամ առաջ Հասարակություն
Սիմիդյանի նախարարությունը չի կարողացել ապահովել Սևանա լճի հետ կապված աշխատանքների կազմակերպումը․ «Ժողովուրդ»
4 ժամ առաջ Հասարակություն
Ժամկետ խախտած ԿԳՄՍ նախարարը պատասխանատվություն կրելո՞ւ է. «Հրապարակ»
5 ժամ առաջ Հասարակություն
Ինչ ունեցվածք և դրամական միջոցներ ունի Քննչական կոմիտեի ղեկավարի հավանական թեկնածուն. «Ժողովուրդ»
5 ժամ առաջ Հասարակություն
Ուկրաինան Կանադայից կստանա NASAMS հակաօդային պաշտպանության համակարգը
20 ժամ առաջ Աշխարհ
Բանաձևն ազդարարեց՝ պատանդառված մեր հայրենակիցների հարցով գործընթացի շարունակությունը․ Սիրանուշ Սահակյան
21 ժամ առաջ Քաղաքական

0 դիտում,

3 տարի առաջ - 2021-04-14 13:42

Քաղաքական

Խնդրում եմ և հորդորում՝ ոտքի կանգնել. Հրանուշ Հակոբյանի կոչը

«Ո՜վ Հայ Ժողովուրդ, քո միակ փրկությունը քո հավաքական ուժի մեջ է»․

Եղիշե Չարենց

Սիրելի՛ սփյուռքահայեր, իմ լա՛վ բարեկամներ, թուրք-ադրբեջանական տանդեմն ահաբեկիչ վարձկանների օգնությամբ, կիրառելով միջազգային մարդասիրական իրավունքի կողմից արգելված զենք և զինամթերք, պատերազմի անթույլատրելի միջոցներ ու մեթոդներ, բզկտեցին և անդամահատեցին երեսուն տարի մեր բոլորի ոգևորության աղբյուրը հանդիսացող հերոսական Արցախը:

Անհավասար պայքարում ունեցանք բյուրավոր սրբազնացած հերոս նահատակներ, շուրջ տաս հազար հաշմվածներ, հարյուր հազարավոր բնավեր ու տնավեր հայրենակիցներ:

Այսօր էլ մեր դարավոր թշնամին՝ իր բարբարոս էությանը հավատարիմ, անխնա հողին է հավասարեցնում հայ ժողովրդի հազարամյակների մշակութային արժեքները, եկեղեցիներն ու խաչքարերը, հուշարձաններն ու գերեզմանները՝ փորձելով վերացնել հայի հետքն իր հինավուրց քաղաքակրթության բնօրրանից:

Արցախում մեր միակ ապավենը մնացել են ռուս խաղաղապահ ուժերը:

Միաժամանակ, սահմռկեցուցիչ է այն փաստը, որ հարյուրավոր հայ երիտասարդներ ու կանայք գերեվարվել են ոսոխի կողմից և տանջամահ են արվում ադրբեջանական բանտերում:

Վեց ամսից ավելի է անցել, սակայն Հայաստանի իշխանություններն ի զորու չեն վերադարձնել մեր հայրենակիցներին, իսկ Արևմուտքը, ինչպես միշտ, իրեն հատուկ սառն անտարբերությամբ աչք է փակում այս դաժան իրականության առջև: Հիմնականում ‹‹համեստորեն›› լռում են նաև մարդու իրավունքներով զբաղվող միջազգային կառույցները:

Սիրելի՛ հայրենակիցներ, ապրիլի 24-ին ընդառաջ, Հայոց ցեղասպանության 106-րդ տարելիցի նախօրեին՝ 2021 թվականի ապրիլի 15-ին կրկին բռունցքվելու է հայկական Սփյուռքը, ոտքի է կանգնելու այնպես, ինչպես պատերազմի մղձավանջային օրերին, և տարբեր երկրներում բողոքի ու ցասման ալիք է բարձրացնելու ի պաշտպանություն հայ ռազմագերիների՝ պահանջելով նրանց անհապաղ վերադարձ:

Դուք ի զորու եք տարբեր երկրների իշխանություններից պահանջելու՝ ձայն բարձրացնել և միջազգային մարդասիրական իրավունքի նորմերին ու սկզբունքներին համապատասխան ներազդել ադրբեջանական բռնապետական ղեկավարության վրա՝ հարկադրելով կատարել իրենց ստանձնած պարտավորությունները և օր առաջ վերադարձնել հայ ռազմագերիներին:

Դիմելով ձեզ, խնդրում եմ և հորդորում՝ ոտքի կանգնել և յուրաքանչյուրիդ ներկայությամբ մարդաշատ դարձնել բողոքի ցույցերն ու միտինգները, ոտքի կանգնել, արդարության ձայնը բարձրացնել և հայ ժողովրդի միասնական պահանջը ներկայացնել, ցույց տալ հայ ժողովրդի միասնությունն ու համախմբվածությունը Հայրենիքի շուրջ, ոտքի կանգնել՝ արթնացնելու աշխարհի քնած խիղճը:

Հրանուշ Հակոբյան

ՀՀ Սփյուռքի նախկին նախարար