Երևի փողերը վերջացել են, դրա համար էլ 1000 դոլար են ուզում. Թունջբոյաջյանը` Հրանուշ Հակոբյանի կոչի մասին

Տեղեկացրել էինք, որ այսօր «Լոֆթը» կազմակերպել էր հանդիպում երաժիշտ Արտո Թունջբոյաջյանի հետ:

Երաժիշտը, պատասխանելով հարցին, թե ինչպես է վերաբերվում ՀՀ սփյուռքի նախարար Հրանուշ Հակոբյանի կոչին, որ սփյուռքահայերը 1000-ական դոլար ներդնեն հայկական բանկերում, նշեց, որ ինքը միշտ էլ ասել է, որ անհրաժեշտ է օգնել, բայց ոչ` 1000-ական դոլարով:

«Ես միշտ ասում էի, որ եթե դրսում ապրող հայերից ամեն մեկն ամեն ամիս 1-ական դոլար նվիրի Հայաստանին` պատկերացնո՞ւմ եք` ինչքան բան կփոխվի. յուրաքանչյուր ամիս սահմանամերձ մի գյուղի համար մի բան կանենք: Էսքան ասում եմ, բայց ինձ լսողն ո՞վ է: Ինչ վերաբերում է 1000 դոլարին, ապա, կարծում եմ, որ երևի կառավարողների փողերը վերջացել են, դրա համար էլ 1000 դոլար են ուզում»,- ասաց Թունջբոյաջյանը: