Այս պահին Երևանում sett-weather
Փոխարժեքներ 22 11 2024
USD ⚊ $ 389.45
EUR ⚊ € 409.74
RUB ⚊ ₽ 3.86
GBP ⚊ £ 491.95
GEL ⚊ ₾ 142.08
կարևոր
0 դիտում, 3 տարի առաջ - 2021-01-13 15:28
Քաղաքական

Բարոյականության ինչպիսի անկում. Ավետիսյանների ողբերգությունը Հ1֊ը ենթարկել է քաղաքական շահարկման

Բարոյականության ինչպիսի անկում. Ավետիսյանների ողբերգությունը Հ1֊ը ենթարկել է քաղաքական շահարկման

Անի Գասպարյանը ֆեյսբուքյան իր էջում գրել է․

«Հանրային հեռուստաընկերությունը ռեպորտաժ է պատրաստել Գյումրիում Ավետիսյանների ընտանիքի դաժան սպանության տարելիցի առթիվ: Ռեպորտաժում Ավետիսյանների դուստրը՝ Լուսինեն, խոսելով իրենց ողբերգության մասին, մեկ էլ հանկարծ ասում է, թե իբր Վազգեն Մանուկյանը, որը հիմա «աթոռի կռիվ է տալիս», իրենց ասել է. «Դե դեպք է, պատահել է, հասուն մարդիկ եք»:
 
Բարոյականության ու արժեհամակարգի ինչ աստիճանի անկում պետք է ունենաս, որ նման կեղծիք տարածես, այն էլ մի մարդու հասցեին, որը ողբերգությունից հետո ամեն ինչ արեց ձեր ընտանիքի ցավը մեղմելու, սոցիալական խնդիրները լուծելու ուղղությամբ: Սա ուղղակի մարդկային եզրագծից դուրս է:
 
Երբ Ավետիսյանների ողբերգական դեպքը տեղի ունեցավ, Վազգեն Մանուկյանն այդ ժամանակ ՀԽ նախագահն էր: Հիշում եմ՝ Հանրային խորհուրդն անմիջապես հատուկ հայտարարություն տարածեց, որից հետո Մանուկյանն անձամբ գնաց Գյումրի և հանդիպեց Ավետիսյանների հարազատների հետ:
 
Հետո Ավետիսյանների դուստրերը՝ նույն Լուսինեն, իր քույրը, ամուսինների հետ միասին եկան Վազգեն Մանուկյանի մոտ: Ընդունելությունն այնքան ջերմ էր ու մարդկային, որ սկսեցին հաճախ գալ՝ իրենց ընտանեկան, սոցիալական խնդիրներով հանդերձ:
 
Մանուկյանը տարբեր խողովակներով հնարավորինս օգնում էր: Հատկապես Ֆելիքս Ցոլակյանի միջոցով էին շատ հարցեր լուծվում, որն այն ժամանակ Շիրակի մարզպետն էր: Բայց աջակցությունը նաև գործի շրջանակներում էր: Մանուկյանն անընդհատ պատկան մարմիններից հետաքրքրվում էր գործի ընթացքով, նույնիսկ հիշում եմ, մի անգամ քննիչին էր հրավիրել, որպեսզի մանրամաս խոսի և փորձի օգնել:
Ինչևէ, էս ամենի մասին երբեք առիթ չէր լինի խոսելու, եթե չհատվեր կարմիր գիծը, որտեղից սկսվում է բարոյականության գահավիժումը:
 
Հ.Գ.
Այդ գահավիժումը վերաբերում է նաև մեր հարկերի հաշվին իշխանության քարոզչամեքենայի վերածված Հ1-ին, որը պատրաստ է օգտագործել անգամ մարդկային ողբերգությունը՝ քաղաքական էժանագին ու ստոր շոուներով վարկաբեկելու քաղաքական ընդդիմախոսներին»:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2024 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը