կարևոր
970 դիտում, 3 ամիս առաջ - 2022-10-24 15:10
Քաղաքական

Կարճ ժամանակ անց «հայասեր», «Հայաստանը փրկող» Եվրոպան կսկսի իր դիտորդներին որպես քաղաքական շահարկման օբյեկտ օգտագործել. Դավթյան

Կարճ ժամանակ անց «հայասեր», «Հայաստանը փրկող» Եվրոպան կսկսի իր դիտորդներին որպես քաղաքական շահարկման օբյեկտ օգտագործել. Դավթյան

Ադրբեջանը հրաժարվել է քննարկել ԵԱՀԿ 2023թ. բյուջեն, քանի դեռ չի լուծվել Ադրբեջանի հետ սահմանի երկայնքով կազմակերպության դիտորդների խումբ Հայաստան ուղարկելու հարցը։ Այս մասին գրում է ադրբեջանագետ Գառնիկ Դավթյանը։

«Ադրբեջանական պատվիրակության հայտարարության մեջ նաև ասվում է, որ ԵԱՀԿ նախագահությունը և քարտուղարությունը իրավասություն և մանդատ չունեին նման առաքելություն ուղարկել Հայաստան՝ առանց հարցը շահագրգիռ կողմերի՝ Բաքվի և Երևանի հետ համաձայնեցնելու, և ԵԱՀԿ-ում պետք է որոշումներ կայացվեն այդ հարցի վերաբերյալ կոնսենսուսի հիմքով:

Դե ի՞նչ. Կարող ենք հետ հաշվարկ սկսված համարել: Հաշվի առնելով, որ Եվրոպայում Ադրբեջանի դերը բարձրացել է(այստեղ ունենք նաև մեր՝ Հայաստանի, բացթողումը) մի շարք պատճառներից ելնելով, կարճ ժամանակ անց «հայասեր», «Հայաստանը փրկող» Եվրոպան կսկսի իր դիտորդներին որպես քաղաքական շահարկման օբյեկտ օգտագործել:

Եվրոպան էլ կոնսեսուսի «խաթեր» Հայաստանին նոր զիջումների կմղի՝ դե իհարկե առանց «դեմոկրատիայի» աշխարհը աշխարհ չի»։