Ըստ MI6-ի նախկին ղեկավարի՝ նոր կորոնավիրուսը հայտնվել է չինական լաբորատորիայում

MI6 բրիտանական հետախուզական գործակալության նախկին ղեկավար Ռիչարդ Դիրլուվն այն կարծիքին է, որ նոր կորոնավիրուսը հայտնվել է Ուհանի չինական լաբորատորիայում, և դրա տարածումն անվանել է համընկնում. նա այս մասին ասել է The Telegraph-ի պոդքասթ ալիք Planet Normal-ի հետ զրույցում։ 

Դիրլուվը, վկայակոչելով  Լոնդոնի համալսարանի Սուրբ Գեորգիի հիվանդանոցից պրոֆեսոր Անգուս Դալգլիշի եւ նորվեգացի վիրուսաբան Բիրգեր Սորենսենի հոդվածը, մասնավորապես, նշել է. «Ես իսկապես կարծում եմ, որ սա սկսվել է որպես դժբախտ պատահար»։

Հեղինակները նշում են՝ նոր վիրուսը կապ ուներ մարդկանց հետո. «Մենք գիտենք, որ այս եզրահանգումները կարող են ունենալ քաղաքական նշանակություն և տագնապալի հարցեր առաջացնել»։ 

Ըստ Դիրլուվի՝ չինացիները մեզ շատ լավ են հասկանում. «Նրանք մեզ ուսումնասիրել են վերջին տասնամյակի ընթացքում կամ ավելի շատ, հատկապես մեր համալսարաններ հաճախելիս: Մենք շատ վատ ենք հասկանում չինարեն: Սա այդ իմաստով չհավասարակշռված հարաբերություն է»։