Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Ռուսաստանի և Թուրքիայի միջև դիվանագիտական հարաբերությունների հաստատման 100-ամյակի տոնակատարությունը տեղափոխվում է համացանց կորոնավիրուսի պատճառով: Այս մասին ՏԱՍՍ գործակալության հետ զրույցում նշել է Թուրքիայում Ռուսաստանի դեսպան Ալեքսեյ Երխովը:
Ռուսաստանը և Թուրքիան 2020-ին նշում են դիվանագիտական հարաբերությունների հաստատման 100-ամյակը: Դա տեղի է ունեցել 1920-ի հունիսի 3-ին, երբ Խորհրդային Ռուսաստանի արտաքին գործերի ժողովրդական կոմիսար Գեորգի Չիչերինը պատասխան նամակ է ուղարկել Թուրքիայի Հանրապետության հիմնադիր Մուսթաֆա Քեմալին, որը նախաձեռնել էր «մշտական կապեր հաստատելու և բարեկամության ամուր հիմք դնելու նախաձեռնությամբ, որը կմիավորի թուրք և ռուս ժողովուրդներին»:
Ռուսաստանը միակ երկիրն էր, որը Աթաթուրքի կառավարությանը տրամադրեց 10 միլիոն ոսկե ռուբլի անվերադարձ օգնություն, ինչպես նաև առաջին պետությունն էր, որը ճանաչեց Թուրքիայի անկախությունը և 1921 թվականի մարտի 16-ին վերջինիս հետ ստորագրեց «Բարեկամության և եղբայրության մասին» Մոսկվայի չարաբաստիկ (հայերիս համար) պայմանագիրը: