Թուրքիայի մի քանի մզկիթներում ազանի փոխարեն «Bella Ciao» երգն է հնչել

Թուրքիայում մայիսի 20-ին Իզմիր նահանգի Քարշըյաքա, Քոնաք, Չիղլի, Բուջա և այլ շրջաններում ցերեկային ազանի ժամանակ մզկիթներից հնչել է իտալական ազգային «Bella Ciao»  երգը. հայտնում է gazeteduvar.com.tr կայքը։

Միջադեպը երկրում մեծ աղմուկ է բարձրացրել։ Իզմիրի նահանգային կրոնական վարչությունը հայտարարել է, որ անհայտ անձինք կարողացել են ապօրինին ճանապարհներով ներխուժել մզկիթների համակարգ։ Իզմիրի նահանգային գլխավոր դատախազությունն արդեն գործ է հարուցել միջադեպի առնչությամբ։

Իշխանական լրատվամիջոցները մեղադրում գրում են, որ այս միջադեպը շատ է դուր եկել գլխավոր ընդդիմադիր Հանրապետական-ժողովրդական կուսակցությանը, որի անդամները տարածում են այդ տեսանյութը։ Ներկայումս մուսուլմանական աշխարհը նշում է Ռամադան տոնը, և այս ամսին նման արարքը լայն դժգոհությունների տեղիք է տվել։

Նշենք, որ Մուսթաֆա Քեմալ Աթաթուրքի կողմից ստեղծված ՀԺԿ-ի գաղափարախոսության անկյունաքերից է աշխարհիկությունը, իսկ ներկա իշխանությունները հակառակը։