ԱՀԿ-ն Չինաստանի խամաճիկը չէ. Վաշինգտոնի մեղադրանքները հերքվել են

Առողջապահության համաշխարհային կազմակերպության ղեկավարը հերքել է ԱՄՆ այն մեղադրանքը, թե իրենք անարդյունավետ են արձագանքել կորոնավիրուսային պանդեմիային. այս մասին գրում է Telegraph-ը։

Հիշեցնենք՝ երկուշաբթի օրը Թրամփն ԱՀԿ-ն անվանել էր Չինաստանի խամաճիկ, ու այդպիսով Վաշինգտոնը ժամանակավորապես դադարեցրել է կազմակերպության ֆինանսավորումը:

ԱՀԿ ղեկավար Թեդրոս Գեբրեյեսուսը հայտարարություն է տարածել առ այն, որ կազմակերպությունն արել է ամեն ինչ՝ կորոնավիրուսի կանխարգելման համար: Երեքշաբթի Համաշխարհային առողջապահական ասամբլեան համաձայնել է նաև անկախ հետաքննություն անցկացնել այն հարցով, թե որքանով է ԱՀԿ -ն արդյունավետ արձագանքել կորոնավիրուսի տարածմանը։