ՄՕԿ-ը 800 մլն դոլար է հատկացրել կորոնավիրուսի վնասները հաղթահարելու համար

Միջազգային օլիմպիական կոմիտեն 800 միլիոն դոլար է տրամադրել կորոնովիրուսի պանդեմիայի հետևանքների վերացման և ՕԽ-ի հետաձգման համար: Այս մասին Yerkir.am-ին հայտնում են ՄՕԿ-ի մամուլի ծառայությունից:

Ավելի վաղ լուրեր կային, որ Տոկիոյի 32-րդ ամառային Օլիմպիական խաղերը կարող են անցկացվել, եթե անգամ կորոնավիրուսի պատվաստանյութը չգտնվի:

Մարտի 24-ին հայտնի դարձավ, որ Տոկիոյի 32-րդ ամառային օլիմպիական խաղերը հետաձգվել են: ՄՕԿ­-ի նախագահ Թոմաս Բախը և Ճապոնիայի վարչապետ Սինձո Աբեն հեռախոսազրույց են ունեցել, և վարչապետի առաջարկից հետո Բախն իր համաձայնությունն է տվել խաղերը մեկ տարով հետաձգելուն: Օլիմպիական խաղերը կպահպանեն իրենց անվանումը` Տոկիո-2020: Դրանք կմեկնարկեն 2021 թվականի հուլիսի 23-ին և կեզրափակվեն օգոստոսի 8-ին: