TikTok-ը 200 մլն դոլար է հատկացրել սկսնակ հեղինակներին

TikTok հայտնի բջջային վիդեո-հավելվածը մեկնարկում է տեսանյութերի սկսնակ հեղինակների ֆինանսավորման սեփական ծրագիրը 200 միլիոն դոլար բյուջեով. այս մասին հայտնում է America.ru-ն։

Նշվում է՝ Վանեսա Պափասը, որը կառավարում է ԱՄՆ-ում TikTok-ի գործողությունները, բացատրել է, որ սկսած օգոստոսից՝ ամերիկյան հեղինակները կարող են դիմել դրամաշնորհ ստանալու համար։ Ֆոնդն ամբողջությամբ կբաշխվի 2021 թվականի վերջում, իսկ տրամադրվող գումարի չափը կաճի։

Մանրամասնվում է նաև, որ քոնթենտ հեղինակները կարող են ներկայացնել հայտն ու անցնել որակավորում դրամաշնորհը ստանալու համար։ Հեղինակները պետք է լինեն 18 տարին լրացած և բարձր, իսկ նրանց քոնթենթը պետք է համապատասխանի հետևորդների համար նախատեսված որոշակի հիմնական ցուցանիշներին։