Դոլարի դիրքերն ամուր չեն, այն կորցնում է իր դերը. չինացի տնտեսագետ

ԱՄՆ ղեկավարության արկածախնդիր ոճի պատճառով միջազգային հանրությունը կորցրել է վստահությունը այդ երկրի նկատմամբ, ինչն էլ բացասաբար է ազդում դոլարի դիրքի վրա. ըստ Yerkir.am-ի` ասել է Չինաստանի միջազգային տնտեսական կապերի կենտրոնի առաջատար տնտեսագետ Չեն Վենլինը:

«Վաշինգտոնի վարած քաղաքականության և նախագահ Դոնալդ Թրամփի մի շարք քայլերի արդյունքում ԱՄՆ-ը հետզհետե կորցնում է դոլարի ամուր  դիրքերն ապահովող կարևոր «հենարաններից» մեկը` վստահությունը»,- նրա խոսքերն է մեջբերում EADaily-ն:

Ըստ չինացի տնտեսագետի` այն բանից հետո, երբ Թրամփը առևտրային պատերազմ սկսեց Չինաստանի հետ, նաև մի շարք հակասական քայելր արեց արտաքին առևտրի ոլորտում, երկրները կսկսեն ազատվել դոլարային պահուստներից, ամերիկյան պարտքային պարտավորություններից:

Պաշտոնական տվյալների համաձայն` Չինաստանի արժութային պահուստները գնահատվում են 3,1 տրիլիոն դոլար, որից մոտ 60 տոկոսը ամերիկյան արժույթն է: