Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
ԵՄ դիվանագիտության ղեկավար Ֆեդերիկա Մոգերինին մտահոգ է, որ ԱՄՆ-ը կորցնում է համաշխարհային առաջնորդի դերը: Այդ մասին, ըստ РИА Новости-ի, նա ասել է Die Welt թերթին տված հարցազրույցում` պատմելով անցյալ շաբաթ Վաշինգտոն կատարած այցի մասին:
«Ես երբեք չեմ տեսել ԱՄՆ-ը այդքան բևեռացված ու բաժանված, այդքան հակված հակամարտությունների տակ, որքան հիմա: Սակայն համաշխարհային առաջնորդի դերը ստանձնողը պետք է լինի ներսից ուժեղ, ինքնավստահ ու համախմբված»,- ասել է նա` հավելելով, որ եթե աշխարհի ամենախոշոր ժողովրդավարությունը ցուցաբերում է այդ մակարդակի լարվածություն, դա կարող է ապակառուցողական գործոն լինել ամբողջ աշխարհի համար:
Մոգերինիի կարծիքով` ապագայում ԱՄՆ-ի և Եվրոպայի միջև կգերակշռեն պրագմատիկ հարաբերությունները: «Մենք մեր հարաբերությունների նոր փուլի ենք մոտենում: Ստիպված ենք քննարկել յուրաքանչյուր թեմա` հասկանալու համար, թե ինչ ընդհանրություններ ունենք: Սակայն դա ողբերգություն չէ»,- ասել է նա: