ՌԴ քաղաքացիություն ստանալը կդյուրացվի՞. Պետդումա օրինագիծ է ներկայացվել

ՌԴ կառավարությունը Պետդումա է ներկայացրել օրենքի նախագիծ, ըստ որի՝ որոշ խմբերի համար դյուրացվում է ՌԴ քաղաքացիություն ստանալը. հայտնում է Yerkir.am-ը՝ Ինտերֆաքսին հղումով:

Համաձայն օրենսդրական նախաձեռնության՝ ՌԴ քաղաքացիություն ստանալ ցանկացող օտարերկրացիները ստիպված չեն լինի հրաժարվել իրենց ներկա քաղաքացիությունից:

Բացի այդ՝ օրինագծում նախատեսվում է փոխել կետը, ըստ որի՝ ՌԴ քաղաքացիության կարող են հավակնել կացության թուղթ կամ ժամանակավոր բնակության թույլտվություն ստանալուց ի վեր ավելի քան 5 տարի Ռուսաստանում բնակվող օտարերկրացիները: Նոր նախագծով առաջարկվում է չեղարկել թե՛ այդ պահանջը, թե՛ գոյատևման միջոցների աղբյուր ունենալու պահանջը: