Թրամփը կբարդացնի ԱՄՆ քաղաքացիություն ստանալը աղքատների համար

ԱՄՆ Բարձրագույն դատարանը թույլատրել է երկրի նախագահ Դոնալդ Թրամփին բարդացնել կեցության պայմանները փախստականների համար, որոնք ունեն պետական աջակցության կարիք: Այս մասին, ըստ Yerkir.am-ի, հայտնում Reuters գործակալությունը:

Այսուհետ պետությունը կարող է մերժել արտասահմանցիների «Գրին քարտ» ստանալու դիմումը՝ նրանց կրթական ցենզի ցածր մակարդակի, անգլերենի իմացության կամ տարիքի պատճառաբանությամբ:

Այս նախաձեռնության մասին դեռևս հայտարարվել էր 2019 թ. օգոստոսին: Թրամփի կոշտ քաղաքականությունը փախստականների վերաբերյալ, նրա նախընտրական խոստումներից է: Հունվարի 23-ին հայտարարվել էր, որ Թրամփի վարչակազմը քայլեր է ձեռնարկել «ծննդաբերության տուրիզմի» դեմ, որի ժամանակ արտասահմանցիները, ծննդաբերելով ԱՄՆ-ում, ապահովում էին իրենց երեխայի համար քաղաքացիություն: