ԱՄՆ Կոնգրես է ներկայացվել ոստիկանության լիազորությունները սահմանափակող օրինագիծ

Օրենքի նախագիծը նախատեսում է շնչահեղության հասցնող հնարքների կիրառման արգելք, վերացնում ոստիկանության իրավական պաշտպանությունը դատական հայցերից և արգելում ոստիկանությանն ունենալ ռազմական գործողությունների համար նախատեսված զենք։

Ըստ լրատվականի՝ օրինագիծը կոչված է զսպել իրավապահների կողմից կիրառվող բռնությունը։ Համաձայն օրինագծի՝ երկրում բոլոր ոստիկանները պետք է իրենց մարմնի վրա կրեն տեսանկարահանող սարքեր, կստեղծվի նաև տվյալների բազա, որտեղ կընդգրկվեն լիազորությունները չարաշահած ոստիկանների անունները։

Կոնգրեսում դեմոկրատների առաջնորդները ոստիկանական բարեփոխումները համարում են ռասայական անարդարության դեմ կարևոր և վաղուց հասունացած միջոց։