Թուրքիայի ԱԳՆ-ն երկերեսանի քայլ է որակել Սիրիայի խորհրդարանի կողմից Հայոց ցեղասպանության ընդունումը

Թուրքիայի Արտաքին գործերի նախարարության խոսնակ Համի Աքսոյը հայտարարել է, որ Սիրիայի խորհրդարանի կողմից Հայոց ցեղասպանությունը ճանաչող և դատապարտող բանաձևի ընդունումը ցույց է տալիս Սիրիայի երկերեսանիությունը: «Սեփական ժողովրդին տարիներ շարունակ կոտորածների ենթարկած, միլիոնավոր մարդկանց տեղահանած և քիմիական զենք օգտագործելու տաղանդ ունեցող ռեժիմի երկերեսանիության պատկեր է: Շարունակվում է մարդկային դրաման, որի պատճառ է դարձել ռեժիմը, իսկ մեր սահմանին տեղի է ունենում պատմության ամենադաժան աղետներից մեկը»,-նշել է արյունալի պատմություն ունեցող և դաժանություններում ուրիշներին մեղադրող պետության ԱԳՆ խոսնակը. ըստ Yerkir.am-ի՝ նշված է Թուրքիայի ԱԳՆ կայքում տեղ գտած հայտարարության մեջ:

Երեկ տեղեկացրել էինք, որ Սիրիայի խորհրդարանը միաձայն ճանաչել է Հայոց ցեղասպանությունը՝ Լիբանանից հետո դառնալով երկրորդ արաբական երկիրը: