ՏԵՍԱՆՅՈՒԹ․ Բանակի խնդիրների մի մասը հնարավոր չի լինելու բանակի բարեփոխումներով լուծել․ Արմեն Գրիգորյան

Քրեական ենթամշակույթի դեմ պայքարը նաև նպատակ ունի բանակում բարեփոխումներին նպաստելու, որովհետև մեր ուսումնասիրությունները ցույց են տվել, որ բանակի խնդիրների մի մասը հնարավոր չի լինելու բանակի բարեփոխումներով լուծել՝ ըստ Yerkir.am-ի ասաց ՀՀ անվտանգության խորհրդի քարտուղար Արմեն Գրիգորյանը լրագրողների հետ ճեպազրույցում։

«Պարբերաբար աշխատում ենք, լուծումը շատ բարդ է, մեկ քայլով հնարավոր չէ լուծել խնդիրները»,-ասաց նա։

Ինչպե՞ս էին Ստեփանակերտի նույն՝ զինվորի ինքնասպանություն կատարած,  զորամասում հայտնվել բարձրաստիճան այդքան պաշտոնյաների որդիներ՝ հարցին, Արմեն Գրիգորյանը պատասխանեց․ «Խնդիրը խորքաին է և բազմաշերտ, մենք գնում ենք լուծումների ճանապարհով, ես համոզված եմ, որ լուծումները տեսանելի կլինեն։ Բանակը փակ կառույց է, դժվար է խոսել, բայց այն, որ վարչապետի օրակարգում է այդ խնդիրները լուծելը, միանշանակ է»։

Արմեն Գրիգորյանը նաև տեղեկացրեց, որ շուտով կհրապարակվի ՀՀ ազգային անվտանգության ռազմավարությունը, որից էլ պարզ կլինի մեր անվտանգության՝ կառավարության գնահատումները։

Մանրամասն՝ տեսանյութում․