Թուրքիան Ուկրաինայի բանակին 33.4 մլն կտա

Թուրքիայում Ուկրաինայի արտակարգ և լիազոր դեսպան Անդրեյ Սիբիգան հայտարարել է, որ Թուրքիան Ուկրաինային 200 մլն թուրքական լիրա կտա՝ բանակի կարիքների համար. ըստ Yerkir.am-ի՝ նշում է yenicaggazetesi.com.tr կայքը:

Այսօր Թուրքիայի նախագահ Ռեջեփ Թայիփ Էրդողանը պաշտոնական այցով ժամանելու է Կիև, որտեղ նախատեսվում է Ուկրաինայի նախագահ Վլադիմիր Զելենսկու հետ հանդիպում, որից հետո համաձայնագիր կստորագրվի օգնություն տրամադրելու մասին: Բացի դրանից կողմերը կքննարկեն երկու երկրների միջև առևտրաշրջանառությունը ավելացնելու, հարաբերություններն էլ ավելի խորացնելու հարցը:

Թուրքական ընդդիմադիր և ռուսական մի շարք ԶԼՄ-ներ արդեն նշում են, որ այս ամենը արդյունք է ռուս-թուրքական օրեցօր խորացող ճգնաժամի: Օրեր առաջ Էրդողանի՝ «Ռուսաստանը հավատարիմ չէ Աստանայում և Սոչիում ձեռք բերված պայմանավորվածություններին» հայտարարությունը և դրա ռուսական արձագանքը դրա վառ ապացույցն են: