Թուրքիայում սկսվել է Պոլսո հայոց պատրիարքին ընտրող պատվիրակների ընտրությունը

Պոլսո հայոց պատրիարքի ընտրությունից առաջ այսօր Ստամբուլում սկսվել է նրանց ընտրությանը մասնակցող պատվիրակների ընտրությունըՙ`հաղորդում է Arevelk.am–ը:

Նշվում է, որ քվերատուփեր են տեղադրված 30 եկեղեցիների մոտ։ Հայերը պետք է ընտրեն 102 պատվիրակի։ Պոլսահայերից բացի ընտրությանը մասնակցում են Կեսարիայի, Դիարբեքիրի, Ալեքսանդրետի, Հաթայի և Մուսա լեռան`Վաքըֆը գյուղի հայերը։ Նախնական տվյալներով՝ այս ընտրությանը մասնակցելու է մոտ 30 հազար հայ, մինչդեռ ընտրելու իրավունք ունի գրեթե 55 հազար հայ:

Հիշեցնենք`դեկտեմբերի 11-ին Ստամբուլի հայ համայնքն ընտրելու է Պոլսո հայոց 85-րդ պատրիարքին:

Ընտրությունը երկու թեկնածուի միջև է՝ պատրիարքի տեղապահ Սահակ եպիսկոպոս Մաշալյանի և Կրոնական ժողովի ատենապետ Արամ արքեպիսկոպոս Աթեշյանի: