Մակրոնի կարծիքով՝ ՆԱՏՕ-ի «ուղեղը մեռած է»

Ֆրանսիայի նախագահ Էմանուել Մակրոնը, անդրադառնալով ՆԱՏՕ-ին թեմային, հայտարարել է, որ Հյուսիսատլանտյան դաշինքի «ուղեղը մեռած է». ըստ Yerkir.am-ի՝ հայտնում է BBC-ն:

Նրա պնդմամբ՝ դրա պատճառը Հյուսիսատլանտյան դաշինքի գլխավոր երաշխավորի՝ ԱՄՆ-ի հավատարմության թուլացումն է։  

Մակրոնը  հիշեցրել է նաև ԱՄՆ-ի ձախողումը ՆԱՏՕ-ի հետ բանակցություններում՝ մինչ Սիրիայի հյուսիսից զորքերի դուրսբերումը: Միաժամանակ նա հարցականի տակ է դրել նաև ՆԱՏՕ-ի հավատարմությունը հավաքական անվտանգությանը։   

Գերմանիայի կանցլեր Անգելա Մերկելն արձագանքել է Մակրոնի խոսքերին՝ ասելով, որ ինքը համաձայն չէ Մակրոնի «կտրուկ խոսքերին»։

Հիշեցնենք, որ Հյուսիսատլանտյան դաշինքը, որը դեկտեմբերին Լոնդոնում անցկացվելիք գագաթնաժողովում կնշի կազմավորման 70-ամյակը, ևս արձագանքել է Ֆրանսիայի նախագահի խոսքերին՝ նշելով, որ կառույցը շարունակում է հզոր մնալ։