Արևմուտքը Վրաստանը փորձում է «պոկել» ՌԴ-ից. Լավրով

 Արևմտյան երկրները, ԱՄՆ-ի գլխավորությամբ, փորձում են  «պոկել» Վրաստանը Ռուսաստանից:  Այդ մասին հայտարարել է ՌԴ ԱԳ նախարար Սերգեյ Լավրովը՝ լատինաամերիկյան ԶԼՄ-ներին և RT հեռուստաալիքին տված հարցազրույցում: Նրա խոսքով` Մոսկվան երբեք չի ձգտել վատթարացնել հարաբերությունները Վրաստանի հետ:

«Հենց վրացական ղեկավարությունն էր, որ Միխեիլ Սաակաշվիլիի օրոք խզեց դիվանագիտական հարաբերությունները և ամեն կերպ փորձում էր սահմանափակել մեր տնտեսական փոխգործակցությունը»,- ասել է նա:

«Կրկնում եմ, այն ինչ կատարվում է, կատարվում է այն պատճառով, որ մեր արևմտյան գործընկերները, առաջին հերթին` ԱՄՆ-ը, փորձում են ամեն կերպ «պոկել» մեր հարևաններին Ռուսաստանի Դաշնությունից»,- հավելել է Լավրովը: