Օրենքը բոլորի համար է, և օրենքի առաջ բոլորը հավասար են. Միրզոյանը` Ծառուկյանին հարցաքննության կանչելու մասին

Ի՞նչ է նշանակում «միտում», երբ նույն կերպ հրավիրում են նախկին նախագահներին, վարչապետին, բազմաթիվ այլ պաշտոնատար անձանց. այսօր խորհրդարանում լրագրողների հետ ճեպազրույցում ասաց ԱԺ նախագահ Արարատ Միրզոյանը` անդրադառնալով «Բարգավաճ Հայաստան» խմբակցության ղեկավար Գագիկ Ծառուկյանին հարցաքննության կանչելուն:

«Ի վերջո, օրենքը բոլորի համար է, և օրենքի առաջ բոլորը հավասար են: Եթե որևէ գործի շրջանակում իրավապահ մարմինն անհրաժեշտություն է գտնում տեղեկություններով կիսվելու համար հրավիրել  որևէ մարդու` անկախ զբաղեցրած պաշտոնից, այդ մարդը պարտավոր է գնալ և իր կարծիքը հայտնել: Խնդրում եմ այս թեման շատ չեփել, չէսկալացնել, որովհետև այնքան չկա, ինչքան, հավանաբար, խոսում ենք»,- նշեց նա: