կարևոր
6739 դիտում, 1 տարի առաջ - 2023-03-10 12:33
Աշխարհ Տարածաշրջան

ԱՄՆ-ն ողջունում է օտարերկրյա գործակալների մասին օրենքը հետ կանչելու վրացական իշխանությունների որոշումը

ԱՄՆ-ն ողջունում է օտարերկրյա գործակալների մասին օրենքը հետ կանչելու վրացական իշխանությունների որոշումը

ԱՄՆ Պետդեպարտամենտի խոսնակ Նեդ Փրայսը հայտարարել է, որ ԱՄՆ-ն աջակցում է  Վրաստանի իշխանությունների որոշմանը` չընդունել օտարերկրյա գործակալների մասին օրինագիծը։ Նա կոչ է արել Թբիլիսիին չշարունակել նման օրենքների քարոզչությունը։

«Չնայած մենք ողջունում ենք օրինագիծը հետ կանչելու որոշումը… մենք կոչ ենք անում իշխող կուսակցությանը պաշտոնապես հրաժարվել այս օրինագծից և չխրախուսել նման օրինագծերը… քանի որ այն անհամատեղելի է վրացական և եվրատլանտյան արժեքներին և հիմնարար ազատությունների պաշտպանությանը», - ասել է Պրայսը  ճեպազրույցում: 

Վրաստանում զանգվածային բողոքի ցույցեր են ընթանում օտարերկրյա գործակալների մասին օրինագծի դեմ, ցույցերն ուղեկցվել են անկարգություններով ու ցուցարարների ու իրավապահ մարմինների բախումներով։ Իշխանությունները գնացին զիջումների և որոշեցին չընդունել օրենքը։

Ընդդիմությունը մեղադրել է կառավարությանը «ռուսական օրենքները կրկնօրինակելու մեջ»։ Դրանից հետո իշխանամետ «Ժողովրդի իշխանությունը» խմբակցությունը ներկայացրել է օրինագծի այլ տարբերակ՝ ամբողջությամբ պատճենված օտարերկրյա գործակալների մասին ամերիկյան օրենքից։ Power of the People-ը կարծում է, որ սկզբնական տարբերակը «շատ ավելի մեղմ» էր։ Ընդդիմությանը դա ևս դուր չեկավ. նրանք հիշեցրին, որ երբ Ռուսաստանի Դաշնությունում ընդունվեց օտարերկրյա գործակալների մասին օրենքը, այն նույնպես ավելի մեղմ էին անվանել, քան ամերիկյանը։