Առաջընթաց հնարավոր է. ՀՀ-ում ԱՄՆ դեսպանը՝ Ղարաբաղյան հակամարտության մասին

Այսօր լրագրողների հետ հանդիպման ժամանակ ՀՀ-ում ԱՄՆ դեպսան Լին Թրեյսին անդրադարձել է ԼՂ հակամարտության կարգավորմանը: Նա նշել է, որ Մինսկի խմբի գործընթացն այսօր առավել քան երբևէ ոգևորիչ է: Դեսպանի կարծիքով` հեշտ լուծումներ չկան, սակայն վերջին ամիսները թույլ են տալիս հավատալ, որ առաջընթացը հնարավոր է:

«Կողմերի միջև բարձր մակարդակի հանդիպումները, լարվածության կրճատումը,երկախոսությունը շարունակելու հանձնառությունը մատնացույց են անում, որ առաջընթացը հնարավորի տիրույթից դուրս չէ: ԱՄՆ-ն կշարունակի աշխատել Ռուսաստանի հետ ընդհանուր հետաքրքրություն ներկայացնող հարցերի շուրջ, այդ թվում՝ ԵԱՀԿ Մինսկի խմբի ձևաչափում Լեռնային Ղարաբաղի հակամարտության կարգավորման ուղղությամբ»-ասաց դեսպանը: