ԵԱՀԿ գլխավոր քարտուղարը առաջընթաց է տեսնում ԼՂ հակամարտության բանակցային գործընթացում

Կան դրական փոփոխություններ ԵԱՀԿ-ի` ԼՂ հակամարտության բանակցային գործընթացում. ասել է ԵԱՀԿ գլխավոր քարտուղար Լամբերտո Զանիերը itar-tass.com-ի հետ հարցազրույցում:

Ըստ Զանիերի` Հայաստանի և Ադրբեջանի նախագահների հանդիպումը արդեն իսկ դրական քայլ է:

«Մենք երկու կողմերի հետ բանակցություններ ենք վարում ԼՂ հակամարտության հարցի կարգավորման համար: Ներկայումս մենք տքնաջան աշխատանք ենք տանում երկու երկրների նախագահների հանդիպումն ապահովելու համար: Հուսով եմ` մինչև տարեվերջ այդ հանդիպումը կկայանա»,- ասել է նա:

Զանիերը նշել է նաև, որ ԵԱՀԿ-ի խնդիրն այս հարցին քաղաքական լուծում տալն է, ոչ թե այլ տարբերակների քննարկումը: