Ազնիվ ծառայություն մեր երկրին եւ ժողովրդին. ՀՅԴ Հայաստանի ԳՄ շնորհավորանքը «Արմենպրես»-ին

«Արմենպրես»-ի կենսագրությունը սկիզբ է առնում Առաջին Հանրապետության շրջանից:

Այսօրվա հոբելյանը  մեր երկրին անխոնջ եւ անդադար ծառայության  հարյուրամյա ուղի է նշանավորում: Մեկդարյա  գործունեությամբ, տեղեկատվական այս գործակալությունը ոչ միայն հայաստանյան կյանքի ամենօրյա լուսաբանողն է եղել, այլեւ կատարել է պետական կյանքին բնորոշ կարեւոր մեկ գործառույթ:

Ուրախ ենք, որ նոր ժամանակների թոհուբոհի մեջ «Արմենպրես»-ը չկորցրեց իր ուղին ու առաքելության գիտակցությունը եւ մնում է ոլորտի գնահատված օղակներից մեկը: Վաստակի ամենապատկառելի բեռն ունեցող գործակալությանն ու իր հավատավոր աշխատակիցներին ցանկանում ենք նոր տասնամյակների հաղթահարում եւ ազնիվ ծառայություն մեր երկրին ու ժողովրդին:

ՀՅԴ Հայաստանի Գերագույն մարմին

18.12.2018թ.