Քանի՞ տեղ կստանան դեմոկրատներն ու հանրապետականները. CNN-ը կանխատեսումներ է արել

CNN հեռուստաալիքը կանխատեսումներ է արել` նշելով, որ դեմոկրատները Ներկայացուցիչների պալատում կարող են ստանալ 238 տեղ, իսկ հանրապետականները՝ 197:

Ըստ CNN-ի`Կալիֆոռնիան կդառնա այն նահանգը, որը կապահովի դեմոկրատների թվային գերակշռությունը:

Այս կանխատեսումների հաստատման դեպքում դեմոկրատները Ներկայացուցիչների պալատում կզբաղեցնեն խոսնակի պաշտոնը, ինչպես նաև կգլխավորեն բոլոր կոմիտեները:

Նույն կանխատեսումների շրջանակներում` Հանրապետական կուսակցությունը պահպանել Է մեծամասնությունն ԱՄՆ-ի Կոնգրեսի Սենատում: CNN հեռուստաալիքի տվյալներով՝ այդ կուսակցությունից սենատոր Թեդ Քրուզը հաղթանակ Է տարել Տեխաս նահանգում, ինչը հանրապետականների համար երաշխավորել Է Սենատի նկատմամբ վերահսկողությունը:

Նշենք, որ բոլոր շրջաններում ձայների մասին ստույգ տվյալներ դեռևս չեն նշվում, քանի որ որոշ նահանգներում շարունակվում Է ձայների հաշվարկը: