Զարուհի Փոստանջյանին թույլ չտվեցին ելույթ ունենալ

 Այսօր Հանրապետության հրապարակում բազմամարդ հանրահավաքի ժամանակ տհաճ միջադեպ գրանցվեց` Զարուհի Փոստանջյանի մասնակցությամբ: Նախ հանրահավաքի սկզբում նա փորձեց ելույթ ունենալ, մոտենալով ամբիոնին, սակայն մարդկանց դժգոհ ձայնարկությունների արդյունքում հավաքի խոսնակները որոշեցին հարթակ չտրամադրել Զարուհի Փոստանջյանին:

Զարուհի Փոստանջյանը որոշ ժամանակ անց նորից փորձ արեց խլել խոսափողն ու ելույթ ունենալ, ինչը նորից նրան չհաջողվեց: Եվ միջադեպը փորձեց բացատրել Նիկոլ Փաշինյանի կինը` Աննա Հակոբյանը, ասելով, որ թեև հարգում է Զարուհի Փոստանջյանին, սակայն նրա ելույթը այս պահին տրամաբանական և կորեկտ չէ, քանի որ երբ Նիկոլ Փաշինյանն էր սկսում շարժումը, Զարուհի Փոստանջյանը բոլոր հնարավոր միջոցներով բարձրաձայնում էր, թե Նիկոլ Փաշինյանը ծախված է: