Կենսաթոշակի` յուրաքանչյուր 1000 դրամ ավելացումը ենթադրում է շուրջ 5 մլրդ դրամի ծախս. Արտեմ Ասատրյան

Աշխատանքի և սոցիալական հարցերի նախարար Արտեմ Ասատրյանն այսօր խորհրդարանում լրագրողների հետ զրույցում նշեց, որ ցանկալի է, որ սոցիալապես խոցելի խմբերի համար նախատեսված գումարներն ավելացվեն, բայց այսօրվա հնարավորությունն այն է, ինչ ներկայացված է բյուջեի նախագծի շրջանակներում: Նախարարն ընդգծեց, որ ճիշտ չէ պնդել, որ կարելի էր այլ ոլորտի հատկացումներ տրամադրելու փոխարեն դրանք տրամադրել սոցիալական ոլորտին։

«Ես ընդամենը մի ցուցանիշ կնշեմ, որ կենսաթոշակի` յուրաքանչյուր 1000 դրամ ավելացումը ենթադրում է շուրջ 5 մլրդ դրամի ծախս։ Այլ ծրագրերի հետ եթե համեմատականներ ենք տանում, այդ կարգի գումարների մասին խոսք լինել չի կարող»,- նշեց նախարարը։