ՀՀԿ-ն դրական է գնահատում Կարապետյանի կաբինետի 1 տարվա աշխատանքը. Շարմազանով

Այսօր տեղի է ունեցել ՀՀԿ ԳՄ հերթական նիստը: Նիստից հետո ՀՀԿ խոսնակ Էդուարդ Շարմազանովը պատասխանել է լրագրողների հարցերին: Նրա խոսքով` ՀՀԿ ԳՄ նիստում անդրադարձ է կատարվել բազմաթիվ հարցերի, այդ թվում` վարչապետ Կարեն Կարապետյանի վարչապետության մեկ տարվա հաշվետվությանը:

«Կուսակցությունը դրական է գնահատում Կարապետյանի կաբինետի, կոալիցիոն կառավարության մեկ ամյա գործունեությունը: Ամրագրված են հստակ թվեր, և այն, ինչ նախատեսել ենք, իր հունով գնում է:6 տոկոսից ավելի տնտեսական ակտիվություն կա, արտահանման և ապրանքաշրջանառության ծավալների կտրուկ աճ կա, տուրիզմի աճ կա, ինչը խոսում է այն մասին, որ մեր տնտեսությունը գնում է զարգացման»,- ասաց Շարմազանովը` հավելելով, որ պետական բյուջեի նախագծով նախատեսված այլերը բոլորը իրականացվելու են:

ՀՀԿ խոսնակի խոսքով` նախընտրական արշավի ժամանակ խոստացված 830 միլիոն դոլարի ներդրումների շուրջ 45 տոկոսը արդեն իրականություն է:Այնտեղ անգամ հաշված չեն այն մասնավոր ներդրումները , որոնք կառավարության գործառույթների հետ կապ չունեն: