Չեմ ակնկալում ոստիկանապետի հրաժարականը. ո՞վ գա տեղը. կողքի կաբինետի գնդապե՞տը, ի՞նչ տարբերություն. Տիգրան Պասկեւիչյան

Երբ պետությունը կարգի բերել չկարողանալդ բացատրում ես վենդետա չանելու բարեսրտությամբ, ոստիկանությունը դառնում ա տրյապկա (կներեք պլագիատի համար), իսկ բուժհիմնարկությունը՝ Տղմուտ գետի ափերից մեկը։ Այս մասին Facebook-ի իր էջում գրել է հրապարակախոս Տիգրան Պասկեւիչյանը, ով իր գրառումը վերնագրել է. «Շատ տխուր օր»:

Նա, մասնավորապես, գրել է. «Ի տարբերություն շատերի՝ չեմ ակնկալում ոստիկանապետի հրաժարականը։ Հրաժարական տա՝ ո՞վ գա տեղը։ Կողքի կաբինետի գնդապե՞տը։

Ի՞նչ տարբերություն։

Քաղաքական թիմը պետք է քաղաքական պատասխանատվություն ստանձնի։

Ամբողջովի՛ն… Ոլորտ առ ոլորտ…

Ժամանակն է հասկանալու, որ թավշյան ընդամենը հեղափոխության ձեւն էր, պատասխանատվությունը չի կարող թավշյա լինել։

Եթե «օջախ-ընտանիք» գավառամիտ բաներ բստրելու փոխարեն զբաղվեիք կառավարման նոր ձեւեր նախագծելով եւ մարդկային ռեսուրսներ հայտածելով, այսօր այսքան տխուր չէր լինի»։